ជីវិត Kwan ប្រែប្រួលខ្លាំង ក្រោយទើបតែបែកគ្នា ពីសង្សាររួចថ្មីៗ

តួឯកស្រីនាង Kwan Usamanee ជាតារាសម្តែងមួយរូប ដែលទទួលបាននូវការគាំទ្រយ៉ាងខ្លាំងពីទស្សនិកជន ប៉ុន្តែក្រោយបានបែកចែកផ្លូវគ្នាជាមួយនឹងសង្សារគឺតារាសម្តែងលោក Golf Pichaya កាលពីពេលថ្មីៗនេះ Kwan ក៏ត្រូវបានមហាជនមានការអាណិតអាសូរខ្លាំងលើសដើមទៅទៀត ព្រោះតែជានាងបានក្លាយទៅជានារីអភ័ព្វម្នាក់ក្នុងរឿងស្នេហា។

តែទោះបីជាស្នេហា មិនសមបំណងជាច្រើនជាលើកច្រើនដង Kwan ក៏នៅតែជានារីតស៊ូម្នាក់ដើម្បីបំពេញតួនាទីជាកូនកតញ្ញូ ចំពោះម្តាយខ្លួន។

ជាក់ស្តែង នៅលើអ៊ីនស្តារក្រាមរបស់នាងម្សិលមិញនេះ បានបង្ហាញឱ្យដឹងថា Kwan កំពុងធ្វើការងារថ្មីមួយទៀតបម្រើវិស័យសិល្បៈក្នុងអាជីពការងាររបស់នាង គឺទៅថតដល់ឆ្នេរសមុទ្រ ឯណោះ ជាមួយនឹងក្រុមការងារជាច្រើននាក់ទៀត។

ទន្ទឹមនឹងនេះ Kwan ក៏បានផុសរូបជាច្រើនសន្លឹក ជាមួយក្រុមការងារប្រកបដោយភាពស្និទ្ធស្នាល និងមានទឹកមុខស្រស់ស្រាយសប្បាយរីករាយយ៉ាងខ្លាំង ក្នុងការបំពេញការងារមួយនេះខុសប្លែកកាលពីលើកមុនៗ។

ជាពិសេសនោះគឺទឹកមុខរបស់ Kwan ពេលនេះគឺហាក់ដូចជាស្តែងឱ្យឃើញថា នាងបានប្រើជីវិតរស់នៅយ៉ាងសប្បាយរីករាយ លើសពេលមុនទៅទៀត ទោះបីជាទើបតែបែកគ្នាជាមួយគូស្នេហ៍ និងជួបប្រទះតែរឿងអាក្រក់ៗរួចមកថ្មីៗនេះក៏ដោយ។

ហើយនេះក៏ត្រូវបានអ្នកគាំទ្រមើលឃើញថា គឺជាផ្លាស់ប្តូរមួយដ៏ធំក្នុងជីវិតរបស់ Kwan ដែលគ្រប់គ្នាមិនសូវបានឃើញពីមុនមក៕

ទស្សនាកម្រងរូបភាពរបស់ Kwan ដែលបានផុសនៅលើអ៊ីនស្តារក្រាមនាងដូចខាងក្រោមតទៅ៖