(ភ្នំពេញ)៖ កាលពីថ្ងៃទី១៧ ខែកុម្ភៈ ឆ្នាំ២០១៨ តារាហ្វេសប៊ុន Bee Yobo Mss Bee បានជួបគ្រោះថ្នាក់ចរាចរណ៍ ដោយនាងបានបើករថយន្ដ បុកម៉ូតូ១គ្រឿង បណ្ដាលឲ្យបុរស២នាក់របួស ស្ថិតក្នុងសង្កាត់ជ្រោយចង្វា ខណ្ឌជ្រោយចង្វា។
នៅមុនពេលកើតហេតុមានបុរស២នាក់ជិះម៉ូតូ១គ្រឿង ម៉ាកហុងដា ឃ្លិក ពាក់ស្លាកលេខ ភ្នំពេញ 1AP-7251 ធ្វើដំណើរឡើងស្ពានជ្រោយចង្វាថ្មី ហើយត្រូវរថយន្តមួយគ្រឿងម៉ាកមែកសឺដែស ពណ៌ខ្មៅ ពាក់ស្លាកលេខ ភ្នំពេញ 2AH-5458 បើកធ្វើដំណើរបញ្ច្រាសទិសគ្នា ចេញពីរង្វង់មូលព្រំមុខ៤ បុកប៉ះគ្នាបណ្ដាលឲ្យភាគីម៉ូតូរងរបួសទាំង២នាក់ ត្រូវបានបញ្ជូនទៅមន្ទីរពេទ្យភ្លាមៗ រីឯរថយន្តនិងម៉ូតូរងការខូចខាតទាំងសងខាង ត្រូវបានសមត្ថកិច្ចប៉ូលិសចរាចរប្រចាំនៅគោលដៅនោះ យកមករក្សាទុករង់ចាំជំនាញមកធ្វើការវាស់វែង៕
Comments
Post a Comment