ប្រទះឃើញពស់ថ្លាន់កំណាចដ៏ធំមួយក្បាល នៅក្រោយផ្ទះ! មើលទៅពោះវាឡើងប៉ោង ក៏ហៅគេមកចាប់ដឹកទៅព្រលែង ពេលនៅតាមផ្លូវសង្ស័យវាពុលឡាន ស្រាប់តែខ្ជាក់ចេញរបស់មួយដ៏ធំមួយ
អ្នកប្រាកដជាមិនសូវជឿ ហើយមិនដែលពស់ឯណាចេះពុលឡានដូចមនុស្សនោះដែរ តែវាគឺជាការពិត។ សាក្សីម្នាក់ ដែលបានឃើញផ្ទាល់ភ្នែកគាត់បាននិយាយរៀបរាប់ថា ៖ "ពោលខ្ញុំនឹកឃើញម្តងៗ វាដូចជាសុបិន្ត ក៏អាក្រក់មួយ" អីចឹង។
អ្នកដែលបានប្រទះឃើញថ្លាន់១ក្បាលនេះនេះមានឈ្មោះថា Uraiwan Konhasuk អាយុ ៤៣ឆ្នាំ ប្រាប់ថា ៖ "ខ្ញុំកំពុងហាលអាវនៅទីធ្លាក្រោយផ្ទះ ក៏ប្រទះឃើញថ្លាន់ដ៏ធំ១ក្បាលនេះ។ ខ្ញុំពិតជាភ័យមែនទែនព្រោះវាធំណាស់ បន្ទាប់មកក៏រត់ចូលក្នុងផ្ទះដើម្បីហៅទូរស័ព្ទទៅកាន់ភ្នាក់ងារសង្គ្រោះ។
នៅព្រៃខាងក្រោយផ្ទះ មានសត្វព្រៃច្រើន តែខ្ញុំពុំធ្លាប់គិតថា មានថ្លាន់ធំបែបនេះទេ។ វាដូចជាសុបិន្តដ៏អាក្រក់មួយ រាល់ពេលខ្ញុំនឹកឃើញ គួរឲ្យខ្ពើមណាស់។ ខ្ញុំសង្ឃឹមថា ពុំមានថ្លាន់ដូចនេះវិលមកទៀតទេ។
ភ្នាក់ងារសង្គ្រោះត្រូវបានគេហៅមកឲ្យជួយប្រជាពលរដ្ឋមួយគ្រួសារ ដែលបានឃើញពស់ថ្លាន់ដ៏ធំ១ក្បាល ក្នុងទីលានក្រៅផ្ទះរបស់ខ្លួន នាខេត្ត Samut Songkram។
ភ្នាក់ងារសង្គ្រោះ ៥រូប បានមានវត្តមាននៅទីនោះដើម្បីចាប់ពស់ថ្លាន់ ដែលមានលោក Manop Chanarit អ្នកថតវីដេអូ ពោលថា ៖ "ថ្លាន់នេះពិតជាកាចណាស់ ពួកខ្ញុំដឹងថា វាបានស៊ីអ្វីហើយ តែពុំទាន់ដឹងពិតប្រាកដថា ជាអ្វីនោះទេ។
តាម The Sun បានឲ្យដឹងថាភ្នាក់ងារសង្គ្រោះបានចាប់ទាញថ្លាន់១ក្បាលនេះ រួចដាក់ឡើងរថយន្តដើម្បីនាំយកវាទៅព្រលែងក្នុងព្រៃធម្មជាតិវិញ។ ប៉ុន្តែពេលដែលរថយន្តបើកចេញទៅដោយសារតែផ្លូវនោះមានជង្ហុកច្រើនពេកដែលបណ្ដាលឲ្យរលាក់ ធ្វើឲ្យវាទ្រាំលែងបាន ក៏ក្អួតចេញសត្វត្រកួត១ក្បាល មានទម្ងន់ដល់ទៅ 15 kg ឯណោះ។
ត្រកួតដែលវាក្អួតចេញនោះមានប្រវែង 1,5m ហើយវាបានត្រូវក្អែរចេញបន្តិចម្តងៗ ពីមាត់របស់វា ហើយភ្នាក់ងារសង្គ្រោះ បានប្រើទូរស័ព្ទ ដើម្បីថតទុករាយការណ៍។
អ្នកទាំងអស់សុទ្ធសឹងភ្ញាក់ផ្អើល ខ្ញុំជាអ្នកថតក៏ពុំជឿលើអ្វីដែលបានឃើញ គឺត្រកួតប្រវែងជាង១ម៉ែត្រ ត្រូវបានថ្លាន់ពស់ថ្លាន់នោះលេបចូលក្នុងពោះបានយ៉ាងងាយ។ បន្ទាប់ពីយកវាទៅដល់ព្រៃ ពស់ថ្លាន់ត្រូវបានគេព្រលែងឲ្យចូលព្រៃ អភ័ព្វតែត្រកួត វាបានងាប់ទៅហើយ៕
Comments
Post a Comment