បានចំជាហ្វេនពិតៗទោះប៊ុតសីហាធ្លាប់ល្បីពាក់ព័ន្ធនឹងរឿងគ្រឿងញៀនក៏អ្នកគាំទ្រនៅតែពោលពាក្យបែបនេះ

ភ្នំពេញ៖

រឿងរ៉ាវដែលកំពុងតែកក្រើកនៅក្នុងពិភពសិល្បៈ

លោកប៊ុត សីហា

អតីតម្ចាស់ពាន

The Voice Cambodia

រដូវកាលដំបូង បានជាប់ឈ្មោះ ពាក់ព័ន្ធនឹងគ្រឿងញៀន តែក្រោយមក សមត្ថកិច្ច ក៏បានដោះលែងវិញ។

ជាការពិតណាស់ រឿងមួយនេះនៅតែមិនទាន់មានការចប់ស្រួលបួល ដោយសារតែលោកប៊ុត សីហា មិនសុខចិត្តនូវរឿងទាំងអស់ ថែមទាំងចេញមុខបកស្រាយច្រានព័ត៌មានទាំងនោះចោលទាំងស្រុង ដោយលោកបាននិយាយថា មិនបានធ្វើបែបនេះ ក្រោយខ្លួនមិនបានទទួលឱកាសទៅសម្តែង នៅឯសហរដ្ឋអាមេរិក ដោយខាងស្ថានទូតមិនផ្តល់Visa ឲ្យលោក។

យ៉ាងណាមិញ គេសង្កេតឃើញថា តាំងតែពីតារារូបនេះបានឈានចូលសិល្បៈ គឺលោកតែងតែមានរឿងជាច្រើន មិនថារឿងគ្រួសារ ឫការងារនោះទេ ក៏ប៉ុន្តែក៏លោកនៅមានហ្វេនជាច្រើននៅតែផ្តល់កម្លាំងចិត្តឲ្យលោកដដែល ស្របពេលដែលមានពាក្យរិះគន់យ៉ាងចាស់ដៃ។

ជាក់ស្តែង នៅក្នុងគណនីហ្វេសប៊ុកមួយ បានបង្ហោះសារផ្តល់កម្លាំងចិត្តដល់រូបលោកយ៉ាងវែងអន្លាយ ទោះបីជាតារារូបនេះមានរឿងបែបនេះក្តី ដោយក្នុងនោះបុរសម្នាក់នោះក៏បាននិយាយថា៖

« ខ្ញុំធ្លាប់គាំទ្រ ប៊ុត សីហា តាំងពីដើមរៀងមក គាំទ្រក្នុងនាមគាត់ជា Idol របស់ខ្ញុំហើយមកដល់ពេលនេះក៏មិនអាចដកចិត្តក្នុងនាមជា Fan គាត់ដែរ។ ទោះបីគាត់មិនសូវមានអ្នកគាំទ្រដូច តារាដទៃក៏ដោយ ក៏គ្មានបញ្ហាដែរ ព្រោះតែ ប៊ុត សីហា នឹងហើយទើបធ្វើឲ្យគ្រប់គ្នាស្គាល់គាត់តាមរយៈកម្មវិធី The Voice Cambodia រដូវកាលទី១ បន្ទាប់មកពួកយើងក៏ចាប់ផ្ដើមស្គាល់ម្ចាស់ពានផ្សេងៗបន្តបន្ទាប់នៅក្នុងកម្មវិធីពិភពលោកមួយនេះ។ តើគ្រប់គ្នា ឈប់គាំទ្រគាត់ជា idol របស់អ្នកហើយមែនទេ ? ជាធម្មតាទេរឿងរ៉ាវជីវិតតែងតែជួបបញ្ហា វាតែងតែជួបព្យុះ ភ្លៀង ខ្យល់ បក់បោកចឹងហើយ គេចមិនផុតទេ មិនថាខ្ញុំឬគេឡើយ សំខាន់គឺយើងផ្ទាល់ ត្រូវចេះកែប្រែអត្ថន័យនៃជីវិតមួយនេះឲ្យល្អប្រសើរឡើង ត្រូវរឹងមាំជានិច្ច។ សម្រាប់ខ្ញុំនៅតែ គាំទ្រគាត់ជា idol ខ្ញុំជានិច្ច តស៊ូណា idol ឆាកជីវិតតែងតែជួបរឿងរាប់មិនអស់ទេ សំខាន់សូមកុំបោះបង់»៕

ចុះប្រិយមិត្តទាំងអស់គ្នាយល់យ៉ាងណាដែរ?