ការពិត​តួអង្គ​សម្តែង “​ឆាវ ឆាវ “ គឺជា​អនុ​បណ្ឌិតសភា ភាពយន្ត​និង ជា​សាស្ត្រ​ចា​រ្យ​ភាពយន្ត​ទើប​សម្តែង​សម​យ៉ាងនេះ​

គ្រាន់តែ​និយាយ​ពី​ឈ្មោះ​ឆាវ​ឆាវ ប្រិយមិត្ត មិត្ត​អ្នកអាន ប្រាកដជា​នឹកឃើញ​ភ្លាម​ទៅដល់​ខ្សែភាពយន្ត​បុរាណ​ចិន​បែប​ប្រវត្តិ សាស្ត្រ Three Kingdoms ដែល​ទស្សនិកជន​ខ្មែរ​ហៅថា សាម​កុក (​នគរ​ទាំងបី​)​។​

​តាមពិតទៅ ដូចដែល​ប្រិយមិត្ត បានដឹងហើយថា រឿង "​សាម​កុក​" ត្រូវបាន​ផលិត​ជាច្រើនលើក​ច្រើនសារ​រួចមកហើយ ហើយ​សាច់រឿង​ស្ទើរតែ​គ្មាន​កែប្រែ​នោះទេ ខណៈដែល​តួអង្គ​មានការ​ផ្លាស់ប្ដូរ​រហូត​។ អ្វីដែល​យើង ចង់បង្ហាញ​មិត្ត​អ្នកអាន​ថ្ងៃនេះ គឺ​តួអង្គ​ឆាវ​ឆាវ​ដែល​ថត​កាលពី​ឆ្នាំ​២០១០ ដែល​ដឹកនាំ​ដោយ​លោក Gao Xixi របស់​ស្ថានីយទូរទស្សន៍​ដ៏​ល្បី​របស់​ចិន​គឺ CCTV​។​មិន​ខុសពី ភាពយន្ត​មុនៗ​នោះទេ តួអង្គ​ឆាវ​ឆាវ ដែល​ផលិតឡើង​នៅ​ឆ្នាំ​២០១០ នេះ ត្រូវបាន​គេ​ចាត់ទុកថា តួអង្គ​ចរិត​សម្បូរបែប ពោល ជា​មនុស្ស​ស្លូត កាច សាហាវ ចិត្តល្អ ឆ្លាត​វៃ ពោរពេញ​ដោយ​ល្បិចកល យុទ្ធសាស្ត្រ​សង្គ្រាម និង​ចេះ​ប្រើប្រាស់​មនុស្ស តែ​មិនសូវមាន​គុណធម៌ និង​មិន​ពូកែ​ក្បាច់គុណ​នោះទេ​។​




​តាមរយៈ​សាច់រឿង គេ​នៅ​មិនទាន់​ភ្លេច​ទេ​ថា ក្នុង​រយៈ​ពេលដែល​ទើបនឹង​ចាប់ផ្ដើម​មាន​ចលាចល​នៃ​ការ​ច្បាំង​ដណ្ដើម គ្នា​ធ្វើ​ធំ​ពី​បណ្ដា​មេទ័ព​ជើង​ខ្លាំង​ទាំងឡាយនា​ចុង​សម័យ​រាជវង្ស ហាន​ខាងកើត ឆាវ​ឆាវ មាន​ឋានៈ​តូច​ទាប និង​មាន​ឥទ្ធិពល​ដ៏​តិចតួច​បំផុត​។ ក៏ប៉ុន្តែ ដោយសារតែ​ភាពឈ្លាសវៃ ទីបំផុត​គេ​អាច​បង្ក្រាប​មេទ័ព​ទាំងនោះ​ឱ្យ​ចុះ​ញ៉ម រហូត​បង្រួបបង្រួម​គ្នា​តែមួយ​វិញ​បាន ហើយ​ចុងក្រោយ​គេ​អាច​ក្តាប់បាន​អំណាច​ជា​ឧបរាជ​នៅ​នគរ​ហាន​អស់​ពេល​ជា ច្រើន​ឆ្នាំ​។​
​កំណាព្យ និង​ទ្រឹស្តី មួយចំនួន​ប្រហែលជា​ទស្សនិកជន​មួយចំនួន​នៅ​ចងចាំ​មិនទាន់​ភ្លេច​នោះ ទេ ប្រសិនបើ​បាន​ទស្សនា​ខ្សែភាពយន្ត​នេះ​ពី​វគ្គ​ដំបូង​រហូតដល់​ចប់​។​ទ្រឹស្តី​មួយ​ដែល​គេ​ចាំ​មិន​ភ្លេច ហើយ​ត្រូវបាន​ទស្សនិកជន​ចាត់ទុកថា ទស្សនៈ​អមនុស្សធម៌​របស់​ឆាវ​ឆាវ គឺ​នៅពេល​ឆាវ​ឆាវ​ច្រឡំ​សម្លាប់​អ្នកភូមិ​គ្រួសារ​លីង អស់​ជាង ១០​នាក់ និង​ថែមទាំង​បានសម្លាប់​អ៊ំ​ប៉​សឺរ ដែលជា​បងប្អូន​ធម៌រ​បស់​ឪពុក​ឆាវ​ឆាវ (​ត្រូវជា​អ៊ំ​ប្រុស​ឆាវ​ឆាវ​)​។ ឆាវ​ឆាវ​បាន​និយាយ​នៅពេលនោះ​ថា ៖

 




"…​គឺ​ព្រោះតែ​ច្រឡំ ច្រឡំ​សម្លាប់​ទៅហើយ ដូច្នេះ​ត្រូវតែ​ជម្រះ​ស្មៅ​ទាំង​ឫស​តែម្ដង​…"​។​
ឆាវ​ឆាវ ថែមទាំង​បាន​ពោល​ទៀតថា​៖

"​ខ្ញុំ​សុខចិត្ត​ក្បត់​មនុស្ស​នៅក្នុង​លោក តែ​មនុស្ស​នៅក្នុង​លោក​មិនអាច​ក្បត់​ខ្ញុំ​បានទេ​"

​ពេល​គេ​នឹក​ដល់​រឿងនេះ គេ​មិន​ភ្លេច​ឡើយ​

​វីរបុរស​ដែល​ធ្វើ​ឲ្យ​អ្នកផ្សេង​កោត​សរសេរ​មិន​

​បាន​នោះ​គឺ ជូ​កឺ​លៀង ឬ ខុង​មីង​។

​តួ ជូ​កឺ​លៀង ក្នុង​រឿង​សាម​កុក​ជា​នរណា​?

​អំពី​តួអង្គ​ឆាវ​ឆាវ​៖

 




ស៊េរី​ភាពយន្ត "​សាម​កុក​" ផលិត​ក្នុង​ឆ្នាំ​២០១០ ឆាវ​ឆាវ​សម្ដែង​ដោយ Chen Jianbin បច្ចុប្បន្ន​មាន​វ័យ ៤៣​ឆ្នាំ ជា​តួ​សម្ដែង អ្នកដឹកនាំ​រឿង និង​ជា​សាស្ត្រាចារ្យ​ផ្នែក​ភាពយន្ត​។ លោក​បាន​សិក្សា​ផ្នែក​ភាពយន្ត​ពី​សាលា​បណ្ឌិតសភា​ភាពយន្ត​មជ្ឈិម ចិន (Central Academy of Drama) ដោយបាន​បញ្ចប់​ថ្នាក់​បរិញ្ញាបត្រ​ជំនាញ​នេះ​នៅ​ឆ្នាំ​១៩៩៤ និង​ថ្នាក់អនុបណ្ឌិត​ពី​សាលា​ដដែល​នៅ​ឆ្នាំ​១៩៩៨​។ លោក​បាន​បំពេញ​តួនាទី​ជាតា​រា​សម្ដែង​ផង ជា​សាស្ត្រា​ផ្នែក​ភាពយន្ត​ផង និង​ជា​អ្នកដឹកនាំ​រឿង​ផង​។​
លោក​ទើបនឹង​ដឹកនាំ​រឿង​បាន​មួយ​រឿង​ប៉ុណ្ណោះ គឺ "Ni Shi Wo Ai Ren" (You Are My Love(r)) ឱ្យ​ស្ថានីយទូរទស្សន៍ Hunan TV កាលពី​ឆ្នាំទៅ​មិញ​។ ក្នុង​ភាពយន្ត​នេះ​លោក​បាន​ដឹកនាំ​ការសម្ដែង​ផង និង​ដើរតួ​សម្ដែង​ផង​។​

​និយាយ​ពី​អាជីព​សម្ដែង តួអង្គ​ឆាវ​ឆាវ​ម្នាក់នេះ បាន​សម្ដែង​ពី​ឆ្នាំ​១៩៩៧ គឺ​រយៈពេល​មួយឆ្នាំ​មុន​បញ្ចប់​ថ្នាក់អនុបណ្ឌិត​ផ្នែក​ភាពយន្ត​ពី សាលា​បណ្ឌិតសភា​ភាពយន្ត​មជ្ឈិម​ចិន (Central Academy of Drama)​។ ភាពយន្ត​ដំបូង​ដែល​លោក​បាន​សម្ដែង គឺ Jing Gang Ai Qing Xian (京港爱情线) ជម្រៅ​ស្នេហ៍​ជី​ង​កាន​។​

 




​ក្នុងចំណោម​ភាពយន្ត​ដែល​លោក​បាន​សម្ដែង ជាង ១០ រឿង រឿង "​សាម​កុក​" បានធ្វើឱ្យ​តារា​សម្ដែង​ម្នាក់នេះ​មានឈ្មោះ​បោះ​សំឡេង​យ៉ាង ខ្លាំង ពោលគឺ​មិន​ត្រឹមតែ​នៅ​កម្ពុជា​ប៉ុណ្ណោះ​ទេ នៅ​ចិន កូរ៉េ និង​បណ្ដា​ប្រទេស​ជាច្រើន​ទៀត​ក៏​ចាប់ផ្ដើម​ស្គាល់​តួអង្គ​ឆាវ​ឆាវ សម័យ​ទំនើប​នេះដែរ​។ រឿងនេះ លោក​បាន​ទទួលពាន​តួ​សម្ដែង​សម​បំផុត (Best Actor Award) នៅ​ឆ្នាំ​២០១១ ពី​កម្មវិធី​ប្រគល់​ពាន​អន្តរជាតិ Seoul International Drama Awards រៀបចំ​នៅ​ទីក្រុង​សេ​អ៊ូ​ល ប្រទេស​កូរ៉េខាងត្បូង​។​
​ចំណែក​នៅ ប្រទេស​ចិន​វិញ រឿង "​សាម​កុក​" នេះដែរ ក៏បាន​ធ្វើឱ្យ​តារា​សម្ដែង​ម្នាក់នេះ ទទួលបាន​ពាន Person of the Year ពី TV Drama Awards Made in China រៀបចំឡើង​ដោយ​ទូរទស្សន៍ Anhui Television ដែរ​។​

​កាលពី​ឆ្នាំ​២០០៦ Chen Jianbin ក៏​ទទួលបាន​ពាន​មួយ​ដែរ គឺ​តារា​សម្ដែង​ប្រជាប្រិយ​បំផុត (Most Popular Actor) ដែលមាន​ឈ្មោះ Golden Eagle Television Awards លើក​ទី ២៣ តាមរយៈ​ខ្សែភាពយន្ត Qiao Jia Da Yuan របស់​ស្ថានីយទូរទស្សន៍ CCTV​។ ក្រៅ​ពានរង្វាន់​ទាំងនេះ នៅមាន​ពាន​ជាច្រើន​ទៀត​។​

Chen Jianbin បាន​រៀប​អាពាហ៍ពិពាហ៍​ជាមួយ Jiang Qinqin នៅ​ឆ្នាំ​២០០៦ និង​ទទួលបាន​កូនប្រុស​ម្នាក់​នៅ​ឆ្នាំ​២០០៧​។​

«​ឆាវ​ឆាវ​» ស្ថិត​ក្នុងចំណោម​អ្នកតស៊ូ​ដ៏​សំខាន់​និង​មាន​ឥទ្ធិពល​មួយរូប​ក្នុងអំឡុង​ចុង​រាជវង្ស​ហាន​នៃ​ប្រទេស​ចិន ។​

​ឆាវ​ឆាវ​បាន​ស្លាប់​ក្នុង​ឆ្នាំ​២២០ គឺ​នៅ​ចុង​រាជវង្ស​ហាន ។ ក្រោយមក​កូនប្រុស​រប​ស់​ឆាវ​ឆាវ​បាន​ទម្លាក់​ស្តេច​ហាន និង​តែងតាំង​ខ្លួនឯង​ជា​ស្តេចត្រាញ់ ។

​ឆាវ​ឆា​ព្យាយាម​ច្បាំង​ដណ្តើម​កាន់កាប់​អាណាចក្រ​ទាំងមូល​ឱ្យ​ស្ថិតក្រោម​ចំណុះ​របស់ខ្លួន ប៉ុន្តែ អ្វីៗ​មិន​ដូច​បំណង​ឡើយ​។​ក្នុងអំឡុងពេល​ដ៏​យូរអង្វែង​នៃ​ការ​ខ្នះខ្នែង​របស់​ឆាវ​ឆាវ បាន​ជួយ​ច្បាំង​បង្ក្រាប​ពួក​បោះ​បោរ​ក្នុង​តំបន់ Yellow Turban និង​បាន​បង្កើន​អំណាច​របស់​អាណាចក្រ​វ៉ៃ​(Wei) ដែល​ខ្លួន​បាន​កាន់ កាប់ ។ លើសពីនេះ​ឆាវ​ឆាវ​បាន​ចម្បាំង​ពង្រីក​អំណាច​ទ័ព​របស់ខ្លួន ដោយ​វាយ​ដណ្តើមយក​ពី​តំបន់ ឬ​ខេត្ត​ក្រុង តូចៗ​ជាច្រើន បង្កើន​ការគ្រប់គ្រង​ព្រះរាជវាំង ហើយ​ថែមទាំង​ផ្សព្វផ្សាយ​គោលនយោបាយ​នានា​ដើម្បី​ជួយផ្តល់​ភាពរុងរឿង​ដល់​ដែនដី​ដែល​ខ្លួន​កំពុង​កាន់កាប់ ។​

​ផ្នូរ​របស់​ឆាវ​ឆាវ​ត្រូវគេ​រកឃើញ​នៅក្នុង​ភូមិ Xi gao Xue ក្នុង​ក្រុង​អាន​យ៉ាង (Anyang County) ខេត្ត​ហ៊័​រណា​ន (Henan) ដែល​បាន​ទាក់ទាញ​អ្នកទេសចរ​ពិភពលោក​ក្នុង​ឆ្នាំ​២០០៩​។​

 




 



​ឆាវ​ឆាវ កើត​ក្នុង​ឆ្នាំ​១៥៥​នៅ​ខេត្ត​អាន​ហ៊ុយ​(Anhui) ដោយ​ចាប់កំណើត​ចំពេល​ដែលមាន​ភាពវឹកវ​រទាំង​ផ្នែក​នយោបាយ និង​សេដ្ឋកិច្ច​។ ចាប់ពី​ឆ្នាំ​១៣៥​តរៀងមក​មាន​ជម្លោះ និង​អំពើ​ការសម្លាប់​គ្នា​ជាច្រើន​កើតឡើង​នៅក្នុង​ព្រះរាជវាំង ។​
​ក្នុង​ឆ្នាំ​១៧៥ ឆាវ​ឆាវ​បាន​ក្លាយជា​មន្ត្រី​កងទ័ព​មួយរូប​នៅ​លុ​យ៉ាង (Luoyang) ។ នៅពេលដែល​ពួក​បះបោរ Yellow Turban បញ្ឆេះ​ភ្លើងសង្គ្រាម​ក្នុង​ឆ្នាំ​១៨៤ ឆាវ​ឆាវ​ត្រូវបាន​បញ្ជូនទៅ​បង្ក្រាប​ពួក​នោះ ។ ស្រប​ពេលដែល​មានការ​ដណ្តើម​អំណាច​ធ្វើឱ្យ​វឹកវរ​ក្នុង​ព្រះបរមរាជវាំង​ក៏​នាំឱ្យ​កាន់តែ​រីក​រាលដាល​ខ្លាំង​ឡើង​នៃ​សង្គ្រាមស៊ីវិល​តាម​តំបន់​រវាង​កងទ័ព​បះបោរ និង​ទ័ព​តាម​តំបន់​គ្រប់គ្រង​របស់​ស្តេចត្រាញ់ នីមួយៗ និង​ទ័ព​ហាន​របស់​ស្តេច​ផែនដី ។ ចាប់ពីពេលនោះ​មក​កង​ទ័ព​ដែល​គ្រប់គ្រង​តាម​តំបន់ ឬ​ស្តេចត្រាញ់ នីមួយៗ​បាន​កើន​ឥទ្ធិពល ខ្លាំង​ឡើងៗ​ជាង​កងកម្លាំង​របស់​ស្តេច​ហាន​(​ស្តេច​ផែនដី​)​ទៅទៀត ។ ក្នុង​ឆ្នាំ​១៩៤​មាន​គ្រោះ​ទុរភិក្ស​ដ៏​ធំ​មាន​កើតឡើង ដោយសារ​សត្វ​កណ្តូប​បំផ្លិចបំផ្លាញ​កសិផលរ​បស់​ប្រជារាស្ត្រ ។ ក្នុងអំឡុង​ឆ្នាំ​១៩៥​ស្តេច Xian បាន​ទៅ​ជ្រកកោន​ជាមួយ​ឆាវ​ឆាវ ។ ស្តេច​អង្គ​នេះ​រស់នៅ​ស៊ូ​ឆាង​(Xuchang) ជា​ក្រុង​មួយ​ស្ថិត​ក្នុងចំណោម​ក្រុង​ក្នុង​អាណាចក្រ ឬ​ដែនដី​ឆាវ​ឆាវ​គ្រប់គ្រង ។​

​ឆាវ​ឆាវ បាន​ប្រើ​អំណាច​របស់​ស្តេច និង​ឈ្មោះ​របស់​ស្តេច​ផែនដី និង​មាន​ព្រះរាជសារ​តែងតាំង​ជា​មេទ័ព​ផងដែរ ។ ឆាវ​ឆាវ បាន​ប្រមែប្រមូល​ទាហាន​មក​រួមគ្នា​ដែល​រាប់ទាំង​កម្លាំង​ទ័ព​ពួក​បះបោរ​១​ម៉ឺន​នាក់​ផង ។ នៅ​គ្រានោះ​ហើយ​ដែល​មានការ​ចម្បាំង​គ្នា​នៅ​តំបន់​ផ្សេងៗ​ទូទាំង​មហានគរ ។​

​ក្នុង​ឆ្នាំ​២០០​ស្តេចត្រាញ់​គ្រប់គ្រង​ភាគ​ខាងជើង យៀន សាវ (Yuan Shao) បាន​ដឹកនាំ​ទ័ព​ចំនួន​១០​ម៉ឺន​នាក់​ទៅ​វាយប្រហារ​ស៊ូ​ឆាង​(Xuchang) ។ ឆាវ​ឆាវ​បាន​ជួបនឹង​កងទ័ព​របស់​យៀន សាវ ខណៈ​ខ្លួន​មាន​ទ័ព​ត្រឹមតែ​២​ម៉ឺន​នាក់​ប៉ុណ្ណោះ​នៅ​ទន្លេ​លឿង ។ ទ័ព​អ្នក​ទាំងពីរ​នេះ​បាន​ផ្អាក​ដំណើរ​រុលទៅមុខ​មួយរយៈ ហើយ​បន្ទាប់មក​ទ័ព​របស់​ឆាវ​ឆាវ ក៏បាន​យកឈ្នះ​ខណៈពេល​ពួកគេ​លួច​វាយប្រហារ​ការផ្គត់ផ្គង់​ស្បៀង​របស់​យៀន សាវ ។​

​នៅ​ឆ្នាំ​២០៧​ឆាវ​ឆាវ​បាន​គ្រប់គ្រង​តំបន់​ភាគ​ខាងជើង​នៃ​ទន្លេ Yangtze ។​

​ចំណែក លីវ ប៉ី គឺជា​អ្នកគ្រប់គ្រង​ដែនដី ស៊ូ ហាន (Shu Han) ក្នុង​តំបន់​ទិស​នីរ​តី​ជុំវិញ​ស៊ី​ឈួន (Sichuan) និង​ស៊ុន ឈៀន​(Sun Quan) ជា​អ្នកដឹកនាំ​គ្រប់គ្រង​តុង អ៊ូ (Dong Wu) ដែល​ស្ថិតនៅ​តំបន់​ភាគ​អាគ្នេយ៍ ។​​ក្នុង​ឆ្នាំ​២០៨ ឆាវ​ឆាវ ទទួលបាន​ជោគជ័យ​ក្នុងការ​ពង្រីក​ទឹកដី​របស់ខ្លួន និង​ការ​វាយ​បង្ក្រាបសត្រូវ ។ ទាហាន​ឆាវ​ឆាវ​និយាយថា កងទ័ព​ធំ​របស់ខ្លួន​មាន​ប្រហែល​២០​ម៉ឺន​នាក់​បាន​ច្បាំង​ជាមួយ​សត្រូវ​៥​ម៉ឺន​នាក់​ដែលមាន​ការរួម​គ្នា​រវាង​ទ័ព​ស៊ុន​ឈៀន និង​លីវ ប៉ី​(​ជូ គ័​រលាង ដឹកនាំ​ទ័ព​) ។ នៅ​គ្រា​នោះដែរ​ទ័ព​របស់​ឆាវ​ឆាវ​ត្រូវបាន​ដុត​កម្ទេច​ដោយ​ភ្លើង ៕​