ខេមរៈ សិរីមន្ត ដល់កូរ៉េភ្លាម មានហ្វេនតម្រង់ជួរចាំថតព្រោងព្រាត!

កូរ៉េខាងត្បូង៖

តារាចម្រៀងចំណូលថ្មីរបស់ផលិតកម្មរស្មីហង្សមាស លោក ខេមរៈ សិរីមន្ត បានឡើងយន្តហោះច្រៀងនៅប្រទេសកូរ៉េ រួមនឹងតារាកម្ពុជាជាច្រើនរូបទៀដើម្បីសម្ដែងចែកជូន បងប្អូនខ្មែរ នៅទីនោះបានទស្សនា។

អ្វីដែលគួរឲ្យចាប់អារម្មណ៍ គ្រាន់តែដល់កូរ៉េភ្លាម ក៏មានហ្វេន តម្រង់ជួរចាំថតព្រោងព្រាត ដែលម្នាក់ៗសម្ដែងនូវអារម្មណ៍រីករាយជាខ្លាំង ក្រោយពីបានជួបផ្ទាល់ជាមួយ អាយដលខ្លួន។

គួរបញ្ជាក់ដែរថា នេះជា ជាលើកទី២ហើយដែល ម្ចាស់បទ «មានទ្រព្យ ចិត្តស្មោះ មិនប្រាកដមនុស្សស្រីស្រលាញ់យើងរហូត» បានចេញទៅច្រៀងនៅប្រទេសកូរ៉េ បន្ទាប់ពីលោក បានបោះជំហានចូលសិល្បៈជាង១០ឆ្នាំមកនេះ។

ក្នុងនោះដែរ គ្រប់គ្នាបានរំពឹងយ៉ាងជឿជាក់ថា ការសម្ដែងរបស់លោកលើកនេះ ពិតជាអាចទទួលបាន ការគាំទ្រខ្លាំង មិនចាញ់គ្រាមុននោះទេ៕