រឿងដែលមិនសាបរលាប និង ប្រជាជនរុស្ស៊ីមិនទាន់ឈប់និយាយនោះ គឺការរកឃើញ ប្រាក់ដ៏ច្រើនសន្ធឹករហូតដល់ ៦០៥ លានរូប្លិ៍
(ប្រាក់រុស្ស៊ី) ញាត់ទុកនៅក្នុងសាឡុង នៃអគារមួយកន្លែងក្នុងទីក្រុងសេនពិទ័របឺក ប្រទេសរុស្ស៊ី ។
គេហទំព័រ «ហ្វនតាន់ខា» របស់រុស្ស៊ីផ្សាយថា ថ្ងៃទី ១៤ ធ្នូ ២០១៧ ប៉ូលិសបានស្រាវជ្រាវឃើញប្រាក់សុទ្ធចំនួន ៦០៥ លានរូប្លិ៍ ប្រមាណ ១០.៥២៥.៤២៥ ដុល្លារសហរដ្ឋ ក្រោយមកទើបដឹងថាជាប្រាក់ខុសច្បាប់ ។
យោងតាមការស៊ើបអង្កេតនៅឆ្នាំ ២០១៦ មានប្រាក់បង្វិលចំនួន 650 លានរូប្លិ៍ ឆ្លងកាត់ក្រុមហ៊ុន ៥ ហើយរកឃើញថា ក្រុមក្រោមដីបានប្រាក់ ៥០ លានរូប្លិ៍ ទើប ក្រោយមកត្រូវបានប្រតិបត្តិការស្វែងរក ៣៥ កន្លែងទៀត នៅក្នុងទីក្រុងសេនពិទ័របឺក ក្នុងនោះមានអគារ ២៤ កន្លែង និង ការិយាល័យចំនួន ១១ ដែលភាគច្រើនអាចត្រូវបានរឹបអូស មានឯកសារ ម៉ាស៊ីនបោះពុម្ព និង កាតឥណទាន ។
ប៉ុន្តែនៅអគារមួយកន្លែង ប៉ូលិសបានរកឃើញប្រាក់សុទ្ធចំនួន ៥.០០០ ដុំ ញាត់ទុកនៅក្នុងសាឡុងចាស់ៗ នៅពេលរាប់ទៅមានទាំងអស់ ៦០៥ លានរូប្លិ៍ ទម្ងន់ ១៣ គីឡូក្រាម ដោយម្ចាស់បន្ទប់ជាស្ត្រីវ័យ ៥៤ ឆ្នាំ ជាគណនេយ្យកររបស់ក្រុមនាំចេញថ្នាំជក់ ។
ប៉ូលិសនិយាយថា នេះជាលើកដំបូងហើយ ដែលប្រទះប្រាក់សុទ្ធបែបនេះ ហើយបានរក្សាទុកគណនេយ្យករជាសាក្សី ព្រមទាំងចាប់ឃុំជនសង្ស័យ ៥ នាក់ស្ថិតក្រោមការដឹកនាំរបស់ក្រុមក្រោមដី និង នៅមានជនសង្ស័យចំនួន ១ នាក់ទៀត ដែលត្រូវបានគេដោះលែង បន្ទាប់ពីមានការបង់ប្រាក់ធានា ៕
Comments
Post a Comment