ប្រើក្រែមមួយនេះលាបលើផ្ទៃមុខរបស់អ្នកមុនពេលចូលគេង ភ្ញាក់ឡើងស្បែកមុខអ្នកនឹងសបែបស៊ីជម្ពូរ ម៉ត់រលោង និងមានជាតិសំណើម។
*គ្រឿងផ្សំ
ម្សៅសណ្តែកក្រហម 50ក្រាមទឹកដោះគោស្រស់ 100មីលីលីត្រ
ទឹកក្រូចឆ្មាស្រស់
*ការណែនាំ
- លាយសណ្តែកក្រហមកិនរួចជាមួយទឹកដោះគោស្រស់ឱ្យខាប់ ហើយបន្ថែមទឹកក្រូចឆ្មា 2-3ដំណក់ចូល។ ច្របល់ចូលគ្នាឱ្យសព្វស្មើសាច់គ្នាល្អ រួចលាបលើស្បែកមុខរបស់អ្នកក្រោយពេលលាងសម្អាតផ្ទៃមុខរួច និងសម្អាតក្រែមរួច យកទឹកដោះគោលាយសណ្តែកក្រហមលាបពេញទាំងមុខ។ ម៉ាស្សារយៈពេលពី 15-20នាទី បន្ទាប់មកលាងសម្អាតនឹងទឹកក្តៅឧណ្ហៗ
ប្រើរូបមន្តនេះឱ្យបាន 2-3ដងក្នុងមួយសប្តាហ៍ វានឹងបកស្បែកឱ្យស ផ្ចិតប្រហោងមុខ ប៉ុន្តែកុំប្រើផលិតផលគ្រឿងសម្អាង។ ក្រែមខាងលើនេះត្រូវនឹងគ្រប់ប្រភេទស្បែកទាំងអស់។
*ចំណាំ
គួរប្រើក្រែមការពារកម្តៅថ្ងៃ ផ្តល់ជាតិសំណើម ទទួលទានទឹក និងបន្លែបៃតងឱ្យបានគ្រប់គ្រាន់៕
Comments
Post a Comment