វីវរហើយបុគ្គលិកខារ៉ាអូខាកូឡូសូជាង១០០នាក់ត្រៀមដាច់បាយបន្ទាប់ពីបែកធ្លាយវីដេអូស្រីស្អាតអាក្រាតល្វែងលើហើយពេលនេះអ្នកគ្រប់គ្រងចេញមុខបកស្រាយថា
ជាមួយគ្នានេះដែរ នៅថ្ងៃទី ២៦ ខែកុម្ភៈ ឆ្នាំ ២០១៨ នេះ លោក ប៉ែន រីណា អ្នកគ្រប់គ្រង KTV កូឡូសូ (COLOSO) បានបកស្រាយថា មូលហេតុដែលនាំឱ្យមានការផ្អាកនេះ គឺដោយសារមានការភ័ន្តច្រឡំ ព្រោះ ភ្ញៀវដែលចូលក្នុងបន្ទប់លេខ៥០១ នោះបានជួលបន្ទប់នោះដាច់ ហើយនាំស្រីមកពីខាងក្រៅចូលមកជាមួយផង ពោលគឺមិនមែនជាស្រីបម្រើនៅក្នុងខារ៉ាអូខេ នេះទេ ។
ទោះជាយ៉ាងនេះក្តីលោក បានទទួលស្គាល់ថា ការបង្ហោះរូបភាពអាសអាភាស នេះ គឺ ជាការចន្លោះប្រហោង មើលមិនគ្រប់ជ្រុងជ្រោយរបស់អ្នកមើលការខុសត្រូវ ដែលបណ្តោយ ឱ្យភ្ញៀវធ្វើអ្វីតាមអំពើចិត្តដូចនេះ ។
លោកបន្តថា ចំពោះការផ្អាកដំណើរការនេះ បានធ្វើឱ្យបុគ្គលិកប្រមាណ១២០នាក់ គ្មានការងារធ្វើ ប៉ះពាល់ជីវភាពប្រចាំថ្ងៃ ។ ដូច្នេះ ដើម្បីជួយទ្រទ្រង់ដល់ជីវភាពបុគ្គលិកទាំងអស់នោះ លោកសំណូមពរសុំឱ្យស្ថាប័នតុលាការ និង អាជ្ញាធរដែនដី មេត្តាអនុញ្ញាត ឱ្យខារ៉ាអូខេនេះ បានបើកដំណើរឡើងវិញ ដោយលោកសុំសន្យាថា នឹងមិនឱ្យមានបញ្ហាទាំងអស់នេះ កើតឡើងទៀតទេ ៕
Comments
Post a Comment