សាហាវណាស់!! គូស្នេហ៍វ័យក្មេង ទៅសាងស្នេហ៍នៅតៃវ៉ាន់ ចុងក្រោយសម្លាប់មិត្តស្រីយកសាកសពដាក់ក្នុងវ៉ាលីស

(​ហុងកុង)៖ ឃាតកដៃដល់ម្នាក់មានឈ្មោះថា «Chan Tung-kai» ត្រូវបាន​ចាប់ឃុំខ្លួន​នៅវេលា​ម៉ោង ៦ ល្ងាច ថ្ងៃទី​១៣ ខែមីនា នេះ​បើ​យោងតាម The Standard ។

 

ប៉ូលីស​ហុងកុង បាន​ចាប់ខ្លួន​យុវជន​អាយុ ១៩ ឆ្នាំ ដែល​បាន​សារភាព​សម្លាប់​មិត្តស្រី​របស់ខ្លួន និង​ទុក​សាកសព​របស់​នាង នៅ​ស្ថានីយ៍​រថភ្លើង ក្នុងអំឡុងពេល​ធ្វើដំណើ​រ​ទៅកាន់​តៃវ៉ាន់ កាលពី​ខែ​មុន។​




​សាកសព​ស្រ្តីរងគ្រោះ មាន​ឈ្មោះថា «Poon Hiu-wing» ត្រូវបាន​ប៉ូលីស​តៃវ៉ាន់​រកឃើញ នៅវេលា​ម៉ោង ៩ និង ៤០ នាទី យប់​ថ្ងៃកើតហេតុ​ខាងលើ។​
 

​ប៉ូលីស​ត្រូវ​បានដឹងថា គូស្នេហ៍​វ័យក្មេង​នេះ បានធ្វើ​ដំណើរ​ទៅកាន់​តៃវ៉ាន់ សម្រាប់​ដំណើរ​កំសាន្ត​សាង​ស្នេហ៍​ កាលពី​ថ្ងៃទី​១៣ ខែកុម្ភៈ និង​ចុះឈ្មោះ​ចូល​ស្នាក់នៅ​សណ្ឋាគារ Purple Garden។ ទោះយ៉ាងណា Chan សារភាពថា រូបគេ​បានសម្លាប់ Poon និង​ដាក់​សាកសព​របស់​នាង​ចូលក្នុង​វ៉ា​លី​ស និង​វាលស្មៅ​ខាងក្រៅ​ស្ថានីយ៍​រថភ្លើង Zhuwei នៅក្នុង​ទីក្រុង New Taipei។​




ឪពុក​របស់ Poon បាន​ស្វែងរក​ជំនួយ​ពី​អាជ្ញាធរ បន្ទាប់ពី​កើតមាន​ការសង្ស័យ​កាន់តែខ្លាំង​ចំពោះ Chan ដែល​បាន​ប្រាប់​គាត់​ថា ពួកគេ​ទាំង​ពីរបាន​បែកបាក់​គ្នា​រួចហើយ និង​ថា រូបគេ​ពុំ​ដឹងថា​នឹង​ស្ថិត​នៅទីណា​នោះទេ។​
 

​ប៉ូលីស​តៃវ៉ាន់ បាន​រកឃើញ Chan បាន​ចាក​ចេញពី​សណ្ឋាគារ តាមរយៈ​វីដេអូ​កាមេរ៉ា​ឃ្លាំមើល ដោយ​អូស​វ៉ា​លី​ស​ពណ៌​ស៊ី​ជម្ពូរ​ធំ​មួយ ក្នុង​សកម្មភាព​គួរ​ឲ្យ​សង្ស័យ ។​




​ទន្ទឹម​នោះ​ផងដែរ ប៉ូលីស​តៃវ៉ាន់​បាន​និយាយថា តាមរយៈ​ការធ្វើ​កោសល​វិ​ច្ច័​យ​សាកសព​របស់​នាង នោះ​ពួកគេ​បាន​សន្ម​ត់​ថា នាង​ត្រូវបាន​គេ​ច្របាច់​.​ក​សម្លាប់​តែម្តង​៕